ЭРЭЛЧНИЙ ТЭМДЭГЛЭЛ : Зүрчин манж /Өндөр тэнгэрийнайлдвар оршвой хэсгээс/

Зүүн хатавчаар гүйлдэн

Зүүд нойронд зүдрээгчид

Баруун хатавчаар гүйлдэн

Балар домогт минь бархирагчид

Эртний өст Зүрчид

Илдийн ирийг амсаачид

Эхийн угаас атгаачид

Ээлгүй муу санаачид

Чивэлт муу зүрчин

Чихний хэнгэрэг хатгаачид

Угийн муу зүрчид

Усны муу жараахай

Зальт үнэг шарван явж

Зай гарснаар шурган орж

Заль мэхээ үзүүлэн явж

Заяа тавиланг нь муутган дарав

Тэнгэрийн хүчтэй тэрссэн тул

Тэнэг мунхагаа үзүүлсэн тул

Тэнэж хол төөрсөн тул

Тэргүүнээ хэт сөхсөн тул

Миний үрсийг муулсан тул

Мэхний мууг гаргасан тул

Ёжлон муугаар инээсэн тул

Ёрын мууг үйлдсэн тул

Баруун гарыг минь байлган мөхөөж

Барцадын үндсээ тавьсан тул

Зүүн гарыг минь зүдрээн мөхөөж

Зүйргүй хорслыг өдөөсөн тул

Хан тэнгэрийн хараалыг хүртэн

Харагдах бараагүй үлдсэн буюу

Халуун янаг хайрын илчинд

Хавирга сүвээ нь хайлсан буюу

Мэхт үнэг мэхэндээ унаж

Мэргэ төлгөндөө багтсан буюу

Харсан тэнгэр харвалчийг нь

Хамардан барьж хашраав

Даасан тэнгэр даргачийнх нь

Далыг нь атгаж сөгтгөв

Санаа муут яван хатаж

Сарьсан багваахай наранд хатав

Уг муут уусан дуусаж

Уландаа гишгэх шороогүй болов

Галданбаатар гарвал нь

Гаслан догшрох нь хэцүү л байна

Галын хуйг өдөөн

Гомдлоо тайлахыг завдан байна

Ам юуг минь асуун

Агсам тавих нь бэрх л байна

Арслан барс мэт хүрхрэн

Аюулхай цээжийг хөндөн байна

Миний үрс мэдэгтүн

Богдын үрс болгоогтун

Өст  зүрчид үгүй болсон ч

Өмхий үнэр нь ханхлана бусуу

Мэхт зүрчид мэхэндээ унасан ч

Мэхний муу нь үлдсэн бусуу

Хөнөөлт зүрчид хөсөр болсон ч

Хөлийн улыг нь долоосоор бусуу

Үүрд өөд нь гаргахгүй гэж

Өлмий доороо гишгэнэ гэж

Өнө мөнхөд дарна гэж

Өвгөдийн өшөөг авна гэж

Өшөө хорслоо санан байж

Өмхий санаагаа шавхан байж

Өөд бүхнийг нь урвуу болгож

Өөдлөх заяаг чинь хаасан бусуу

Бодол сэтгэлийг чинь боомилон

Босоо заяаг чинь бөхийлгөн

Зүрх сэтгэлийг зүүгээр шивэн

Зүүсгэл өмсгөлд чинь зүхлээ шингээн

Эзэн тэнгэрээс нь эрхшээн салгаж

Эцэггүй хүүхэд болгосон бусуу

Ёс гэдгээр хаацайлан

Ёр ихээр шингээснийг мэд

Ялгаа үгүй бусуу хэмээн

Яршигийн үрийг бүү хаацайл

Ягтаа тулбал ядрах тул

Яр шархнаас салахыг бодогтун

Зөв мэргэн бодлоготонгууд

Зөв бурууг нь ялгагтун

Сэцэн мэргэн бэхи нар

Сэтгэл оюунаа чилээгтүн

Ёслон нэгэнт авсан л бол

Ёрыг нь хүртэж эхэлдэг юм

Ёолох гаслах нь ихэсдэг юм

Ёврон түлхэлцэх нь дуусашгүй юм

Толгой гудайн авсан л бол

Толбо нь тусч эхэлдэг юм

Том багагүй тохь алдан

Толгой нь эргэж эхэлдэг юм

Ёс бөгөөс ёмбогор байж

Ёр халдахаас хаацайлдаг юм

Төр бөгөөс төмбөгөр байж

Төвшин амгаланг эдэлдэг юм


start=-49 , cViewSize=50 , cPageCount=1

1 сэтгэгдэл:

null
Монгол (зочин)

Үнэн сайхан хэлжээ энэ бүхнийг хаанаас хэнээс мэдээд байнаа өөр сайхан зүйлс байвал оруулаач хөө???

Сэтгэгдэл үлдээх



(нийтэд харагдахгүй)

(оруулах албагүй)
(HTML синтакс зөвшөөрөгдөөгүй)


(Зурган дээрх тоог оруулна уу)